မိုးမြင့်သီဟ

“ငါမအားဘူးကွ အမေ့ကို အဖွားတွေအိမ် လိုက်ပို့ ပေးရမယ် ”
အရင်ဆုံးစပီးငြင်းတာက စာပိန်ညောင်ပါ ။
“ငါလည်း အဲဒီအချိန် အိမ်မှာဈေးကူရောင်းပေးရမယ်ကွ မအားဘူး”
ဒါကလဲ ဆောင်းဦးလှိုင်ရဲ့ မဆိုင်းမတွအဖြေပါ ။တဆက်တည်း
“မင်းကလဲကွာ ရည်းစားနဲ့ ချိန်းတွေ့ တာပဲ တစ်ယောက်တည်းသွားလည်း ရတာပဲ”တဲ့  ။
“အေးကွာဒါဆိုလဲငါ့ ဟာငါပဲသွားလိုက်ပါ့ မယ်”လို့ 
ငကျော်လဲပြောခဲ့ ပြီးသူငယ်ချင်းတွေလမ်းခွဲလိုက်ကြတယ်။
အိမ်ပြန်ရောက်တော့ ရေမိုးချိုးပြီး အမွေးနံ့တွေ တထောင်းထာင်းထနေအောင်မွန်ထွန်နေအောင်ဆွတ်ထားတဲ့ ငကျော်ကို အမေကလဲတကြည့် ကြည့် နဲ့ ပါ။ နာရီတကြည့် ကြည့် နဲ့ ဂဏာမညိမ်ဖြစ်နေတဲ့ ငကျော်ကို
အမေ တောင်အမြင်ကပ်လာပုံရပါတယ် ။

“ငကျော် နင်ဒီနေ့ ဘာဖြစ်နေတာလဲ”
အမေ စမေးပါပြီ ။
“အာ ............. သားဘာမှမဖြစ်ပါဘူး အမေရ”
ဟု ပြန်ပြောရင်း စက်ဘီးလေးတွန်းပြီး ငကျော် အမြန်လစ်ထွက်လာခဲ့ရပါတယ်။ အချိန်က (၅)နာရီခွဲပဲရှိသေးတယ် စောနေသေးတယ်လေ ။
ထိုင်နေကျ လက်ဘက်ရည်ဆိုင်သွားပြီး လက်ဘက်ရည်တစ်ခွက်နဲ့ အချိန်ဖြုန်းနေလိုက်ရတယ် ။
ဟော ၆ နာရီ ၁၅ မိနစ် ငကျော်မအောင့် နိုင်တော့ ပါ ။
ချစ်သူတို့လမ်းကို စက်ဘီးလေနဲ့ ထွက်လာခဲ့ပါတော့တယ်။ လမ်းထဲကဈေးဆိုင်လေးမှာ စီးကရက်ဝင်ဝယ်သလိုနဲ့ ကိုမောင်သက် အကြောင်းကိုစတင် စနည်းနာရပါပြီး ။

“အန်တီ ဒီလမ်းထဲမှာ ကိုမောင်သက်တို့ အိမ်ကဘယ်နားမှာလဲဗျ”
ငကျော်စမေးလိုက်ပါပြီ ။ အဒေါ်ကြီးတစ်ချက်စဉ်းစားလိုက်ဟန်နဲ့ ပြန်ဖြေပါတယ် ။
“ဒီလမ်းထဲမှာကိုမောင်သက်ဆိုတာမရှိပါဘူးကလေးရဲ့ ”
“ ဗျာ ” ဒီအာမေဋိတ်သံတော်တော်ကျယ်သွားလို့ 
အဒေါ်ကြီးတောင်တွန့် သွားတယ် ။
“ဟုတ် .... ဟုတ် လို့ လားအန်တီရာ”
အထစ်ထစ်အငေါ့ ငေါ့ နဲ့ ငကျော်အမေးအတွက် အဖြေကလဲရှင်းပါတယ်
“ငါဒီလမ်းမှာနေလာတာ အနှစ် ၃၀ ကျော်နေပြီ ဒီနာမည်ဒီလမ်းမှာမရှိဘူး”တဲ့ 
ငကျော်ရူးချင်သလိုဖြစ်သွားတယ် အဒေါ်ကြီးကဆက်ပြောပါတယ်
“ဟိုဘက်လမ်းသွားကြည့် ပါလားရှိရင်ရှိမှာပေါ့ ”
“ဟင်”ငကျော်တွေဝေသွားပါတယ် ။

နောက်တော့ မှ ဒီအန်တီပြောတာဖြစ်နိုင်တယ်ဆိုပြီး နောက်တစ်လမ်းကိုစက်ဘီးလေးနဲ့ ထွက်လာခဲ့ တယ်။
အရင်လိုပဲ ဈေးဆိုင်လေးမှာ စီးကရက်ဝယ်သလိုနဲ့မေးကြည့်တော့အဖြေတွေကစောစောကအတိုင်းပဲဆိုတော့ ငကျော်သွေးပျက်လာပါတော့ တယ်တလမ်းဝင်တလမ်းထွက်နဲ့ ငကျော်မေးလာလိုက်တာ (ရ)နာရီလဲတီးပါပြီ ။
ဘယ်လိုမှလဲမေးလို့ မရပါဘူး ။
“ကိုမောင်သက်ရေ” “ကိုမောင်သက်ရေ” နဲ့  အော်ခေါ်ချင်စိတ်ပေါက်လာပါတော့ တယ်
တဖြည်းဖြည်းနဲ့ (ရ)နာရီလဲကျော်လာပါပြီ ။ ဘယ်လိုမှလဲမေးလို့ မရတော့ ပါဘူး ။
တလမ်းမှာတော့ နဲနဲထူးခြားလာပါတယ် ။ “ကိုမောင်သက်တော့ မရှိဘူးကွ ဦးမောင်သက်ပဲရှိတယ် ”
“ဗျာ” “ဘယ်နားကအိမ်လဲဗျာ”
“ဒီအိမ်လေကွာ ငါကဦးမောင်သက်ပေါ့ ဘာလုပ်ဖို့ လဲ”
“ဟာ ဘာမှမလုပ်ပါဘူး ကျွန်တော်က ကိုမောင်သက်ကိုရှာတာပါ”
လို့ ပြောပြီးမနဲလစ်ထွက်လာခဲ့ ရတယ် ။ အနီးနားပတ်ဝန်းကျင်ကိုဝေ့ ပြီးချစ်သူအရိပ်အယောင်လဲ
မသိမသာရှာကြည့်လိုက်သေးတယ် ဘယ်သူမှမရှိပါ။ ဒီအိမ်လဲမဟုတ်လောက်ပါဘူးဆိုပြီး နာရီငုံ့ကြည့် လိုက်တော့ (၈)နာရီတီးခဲ့ ပါပြီ ။တစ်ကိုယ်လုံးလဲချွေးစေးတွေနဲ့ မွန်းကြပ်နေသလို လူကလဲ
ခြေပစ်လက်ပစ်ကျချင်နေပါပြီ ။

ချိန်းဆိုထားမှု့ဟာပိုးဆိုးပက်စက်လွဲချော်ခဲ့ပြီမှန်း ငကျော်သိလိုက်ပါပြီ။နက်ဖြန်ချစ်သူကိုဘယ်လိုဖြေရှင်းရမှန်း
ငကျော်ခေါင်းကိုက်လာပါပြီ။အားကိုးစရာဆိုလို့လည်းစာပိန်ညောင်ရယ်ဆောင်းဦးလှိုင်ရယ်အေးမာရယ်ပဲရှိတော့တယ်။
ဒီလိုနဲ့ ငကျော် အိမ်ကိုပြန်လာခဲ့ ရပါတော့ တယ် ။ မနက်ကျောင်းတက်ချိန်ရောက်တော့ လဘက်ရည်ဆိုင်မှာ
ဟိုနှစ်ကောင်ကိုအရင်တိုင်ပင်ရပါတယ် ။ သူတို့ ကလဲဖြေတာရှင်းပါတယ်

“ ကိုမောင်သက်ကို ရှာလို့ မတွေ့ ဘူးပြောလိုက်ပေါ့ ကွာ”တဲ့ 
ငကျော်လဲသူတို့ စကားကြားတော့ နဲနဲအားရှိသွားတယ်။ မကြာပါဘူးလာပါပြီ ချစ်သူနဲ့  အေးမာ ။
၂ယောက်စလုံးမျက်နှာတွေကတင်းမာနေပါတယ်။ချစ်သူကတစ်ချက်လေးတောင် လှည့် မကြည့်ပဲ
စာသင်ခန်းထဲတန်းဝင်သွားပါတယ်။
အေးမာကလဲ လက်ညိုးတစ်ချောင်းထောင်ပြပြီးသတိပေးသွားတယ်။
ငကျော်မနေနိုင်ဘူး နောက်ကနေအပြေးလိုက်သွားရတယ်။စာသင်ခန်းဝမှာပဲ အေးမာကစောင့် နေပါတယ် ။
ချစ်သူကတော့ သူ့ ထိုင်ခုံမှာ ကျောက်ရုပ်လိုထိုင်နေပါတယ် ။အေးမာကစမေးပါတယ်

“ဟဲ့   နင်ညက ဘယ်မှာသွားသေနေတာလဲ မသာကောင်”
“ဟာ  ငါညက ကိုမောင်သက်တို့ အိမ်ကိုတညလုံးရှာနေရတာလေ”
ငကျော်ကပြန်ပြောလိုက်တယ်။ အေးမာက
“ဘာလုပ်ဖို့ လဲ ကိုမောင်သက်အိမ်ကိုရှာတာ”
“ဟ  သူ ညကငါ့ ကို ကိုမောင်သက်တို့ အိမ်ရှေ့ ကစောင့် ခိုင်းလို့ လေ”
လို့ ငကျော်ပြန်ပြောပီးတော့ ပီကေ အိပ်ခွံလေးကစာကိုပြလိုက်တယ်။
အဲဒီစာကိုအေးမာပြန်ဖတ်လိုက်ပြီးတော့ ဒေါသပိုထွက်လာဟန်နဲ့ 
“ဟဲ့   ငတုံး ရဲ့ နင့် ကိုညက သူတို့ အိမ်ရှေ့ မှာစောင့် နေခိုင်းတာဟဲ”
ဘယ်ကမှကိုမောင်သက် ဆိုတာမပါးဘူးဆိုပြီး စာကိုသူက ပြန်ဖတ်ပြပါတော့ တယ်။

“ည(ရ)နာရီကို 'မောင်' ' သက် ' တို့ အိမ်ရှေ့ ကစောင့် နေ လို့ ပြောတာဟဲ့ ”